Upplýsingar um notkun 2021

Hersir var sýndur í kynbótadómi 8. júní 2021 eins og frægt er orðið.

Hann hlaut fyrir háls/herðar/bóga hina eftirsóttu einkunn 9,5 og fyrir sköpulag 8.82!

Fyrir hæfileika er hann hlaðinn 9um; Tölt, brokk, greitt og hægt stökk, samstarfsvilji og fegurð í reið. 8,5 fyrir fet og hægt tölt. Gerir það í hæfileikaeinkunn 8.34 sem kárhestur og hæfileikar án skeiðs 8.95! Aðaleinkunn 8.51 (8.90 án skeiðs).

Hersir er einstaklega glæsilegur hestur; fótahár og bolléttur með einstaka frambyggingu og heilar og góðar gangtegundir.

Nánari upplýsingar veitir einnig eigendur: Gisli Haraldsson (898-2207) og Einar Gíslason (898-8445).

Um Hersi

Hersir vikugamall með móður sinni Hraunu 2015

Hersir er fæddur um mitt sumar 2015. Hann er undan heiðursverðlauna merinni Hraunu frá Húsavík (8.44) og Vökli frá Efri-Brú (8.37).

Hersir var einstaklega glæsilegt folald, reistur og háfættur. Á myndinni hér að ofan er hann með móður sinni vikugamall.

Hrauna vakti mikla athygli á síðsumarsýningu á Gaddstaðaflötum 2002 þegar hún var sýnd 5 vetra af Þórði Þorgeirssyni. Var hún hæst dæmda 5 vetra hryssan 2002 en í aðaleinkunn hlaut hún 8.44; 8.08 fyrir sköpulag og 8.68 fyrir hæfileika. Nánari upplýsingar um hana má finna <hér>.

Vökull er undan heiðursverðlauna hestinum Arði frá Brautarholti og Kjalvöru frá Efri-Brú, Kolfinnsdóttur. Vökull er hátt dæmdur klárhestur sem hefur verið að gera það gott í keppni; 7 vetra varð hann 7. í B-flokki gæðinga á Landsmóti á Hólum og hefur náð frábærum árangri í T1 og V1 í íþróttakeppni.

Ætt

Hersir og Helga Una – Maí 2021

Arður frá Brautarholti (8.49)
IS2001137637
Vökull frá Efri Brú (8.37)
IS2009188637
Kjalvör frá Efri-Brú (7.90)
IS2001288691
Hersir frá Húsavík
IS2015166640
 Orri frá Þúfu (8.34)
IS1986186055
Hrauna frá Húsavík (8.44)
IS1997266640
Urð frá Hvassafelli (8.22)
IS1984265044

Að baki Hersi er að finna í móður og föðurlegg marga helstu máttarstópla íslenskrar hrossaræktar. Í honum er til að mynda áhugaverð blanda af Hrafni frá Holtsmúla, Ófeigi frá Flugumýri  og Náttfara frá Ytra-Dalsgerði.

Hæsti dómur 2021

Sýnandi Helga Una Björnsdóttir

M1 M2 M3 M4 M5 M6 M7 M8 M9 M10 M11
152 140 145 67 150 40 51 46 7 32.5 19.5

Aðaleinkunn: 8.51 Aðaleinkunn án skeiðs 8.95
Sköpulag: 8.82
  Höfuð 8.5 Svipgott
  Háls/herðar/bógar 9.5 Mikil reising – Hátt settur – Fremur grannur – Langur – Hvelfdur – Góð bógalega – Afar háar herðar
  Bak og lend 8 Góð baklína – Áslend
  Samræmi 9 Afar fótahátt – Léttbyggt – Jafn bolur
  Fótagerð 8.5  
  Réttleiki 8.5
  Hófar 9 Fremur brattir hælar – Efnismiklir – Vel lagaðir
  Prúðleiki 8.5
Hæfileikar: 8.34 Hæfileikar án skeiðs 8.95
  Tölt 9 Mjúkt – Há fótlyfta – Skrefmikið – Takthreint
  Brokk 9 Há fótlyfta – Skrefmikið – Svifmikið – Hvelfd yfirlína – Takthreint
  Skeið 5
  Greitt stökk 9 Há fótlyfta – Skrefmikið – Svifgott – Rúmt
  Hægt stökk 9 Há fótlyfta – Skrefmikið – Svifmikið – Takthreint
  Samstarfsvilji 9 Góð framhugsun – Mikil þjálni – Yfirvegun
  Fegurð í reið 9 Há fótlyfta – Mikil reising – Góður höfuðburður – Fasmikið
  Fet 8.5 Mjúkt – Góð skreflengd – Takthreint
  Hægt tölt 8.5

Hersir og Helga Una – Maí 2021

Hersir og Helga Una – Maí 2021

Hersir og Helga Una – Júní 2020

Hersir og Helga Una – Júní 2020

Hersir og Helga Una á kynbótasýningu á Gaddstaðaflötum 15. júní 2020.

FYLGSTU MEÐ OKKUR Á INSTAGRAM

Hrauna frá Húsavík

Heiðursverðlaun fyrir afkvæmi 2020

Dómsorð

Hrauna frá Húsavík gefur stór hross. Fríðleiki á höfuð er í meðallagi. Hálsinn er reistur við háar herðar en gætir hjartarháls. Baklínan er nokkuð góð en bakið getur verið mjótt. Afkvæmin eru fótahá og léttbyggð, fætur hafa öflugar sinar og svera liði en geta verið nástæðir og réttleiki er í meðallagi. Hófar eru efnisgóðir og prúðleiki er góður. Afkvæmin eru ýmist alhliðageng eða klárhross. Töltið og brokkið er taktgott með góðum fótaburði, stökkið er teygjugott. Hrauna frá Húsavík gefur þjál hross sem fara vel í reið með góðum fótaburði. Hún hlýtur heiðursverðlaun fyrir afkvæmi.

Hrauna og Þórður Þorgeirsson – Ágúst 2002

Hrauna og Þórður Þorgeirsson – Ágúst 2002

Hrauna og Þórður Þorgeirsson – Ágúst 2002

UM OKKUR

Höfðahestar er ræktun Gísla Haraldssonar á Húsavík og Einars Gíslasonar. Gísli hóf ræktun sína þegar hann keypti hryssuna Kviku frá Úlfsstöðum í Skagafirði 1980 en Einar byrjaði 2010. Hrossin okkar eru kennd við bæinn Húsavík á Norðurlandi Eystra. Ræktunin er lítil en við fáum cirka 1-2 folöld á ári og leitumst við við að nota vel ættaða, myndarlega, geðgóða hesta með úrvals gangtegundir. Markmiðið er að eiga fá hross en góð sem er einnig heiti á grein eftir Jens Einarsson sem birtist í Eiðfaxa 2002 þegar Gísli var tilnefndur sem ræktunarmaður ársins. Greinina er hægt að lesa með því að ýta á hnappinn hér að neðan.

Lesa meira